అభివృద్ధిని చూసి ఆశీర్వదించండి : ఎర్రబెల్లి దయాకర్ రావు
దిశ, రాయపర్తి : కొట్లాడి తెచ్చుకున్న తెలంగాణ రాష్ట్రంలో బీఆర్ఎస్ పాలనలో కేసీఆర్ సారథ్యంలో రాష్ట్రం అన్ని రంగాల్లో అభివృద్ధి చెందిందని అభివృద్ధిని చూసి మరొకసారి నాకు అవకాశం ఇవ్వాలని పాలకుర్తి నియోజకవర్గం బీఆర్ఎస్ అభ్యర్థి ఎర్రబెల్లి దయాకర్ రావు కోరారు. ఎన్నికల ప్రచారంలో భాగంగా శుక్రవారం మండలంలోని రాయపర్తి తిరుమలయ్యపల్లి, కొండూరు, బురాన్ పల్లి, కాట్రపల్లి, కృష్ణాపురం, గ్రామాలలో, మంత్రి ఎర్రబెల్లి దయాకర్ రావు ఇంటింటా ఎన్నికల ప్రచారం నిర్వహించారు. ఈ సందర్భంగా మంత్రి ఎర్రబెల్లి దయాకర్ రావు మాట్లాడుతూ ముఖ్యమంత్రి కేసీఆర్ సారధ్యంలో రాష్ట్రంలోని పేదబడుగు, బలహీన వర్గాల అభ్యున్నతి కోసం వారి అభివృద్ధి కోసం ఎన్నోసంక్షేమ పథకాలు ప్రవేశపెట్టారని ఆ ఫలాలు ప్రజలందరికీ అంది సుఖసంతోషాలతో ఉన్నారన్నారు. పాలకుర్తి నియోజకవర్గం అని రంగాలలో అభివృద్ధి పరిచారని కార్యకర్తలకు ప్రజలకు నిత్యం అందుబాటులో ఉండి ప్రజాసేవ చేశాను అన్నారు.
మరొక్క మారు నాకు అవకాశం ఇచ్చినట్లయితే ఆశీర్వదించి గెలిపించినట్లయితే రాయపర్తి మండలాన్ని ఇంకా అభివృద్ధి పరుస్తానని మీ కష్టసుఖాలు పాలు పంచుకుంటానని అన్నారు. ఎన్నికలు వస్తుంటాయి పోతుంటాయని మంచి నాయకులు మాత్రం మీ గుండెల్లో ఎప్పుడు చిరస్థాయిగా ఉంటారన్నారు. అలాంటి నాయకులను మరచిపోవద్దు అన్నారు. కాంగ్రెస్ నాయకుల మాటలను నమ్మేపరిస్థితిలో ప్రజలు లేరని వారి పాలనకు మన పాలనకు ఎంత తేడా ఉందో ప్రజలు గమనిస్తున్నారని అన్నారు. మీ అమూల్యమైన ఓటును నాకు వేసి గెలిపించాలని కార్యకర్తలను ప్రజలను కోరారు. ఈ ప్రచార కార్యక్రమంలో జిల్లా నాయకులు గుడిపూడి గోపాలరావు, ఎంపీపీ జినుగు అనిమిరెడ్డి, జెడ్పీటీసీ రంగు కుమార్, మండల అభివృద్ధి కమిటీ చైర్మన్ బిల్లా సుధీర్ రెడ్డి, మండల రైతుబంధు అధ్యక్షుడు ఆకుల సురేందర్రావు, కార్యదర్శి పూసమధు మండల కో ఆప్షన్ సభ్యుడు ఎండీ అశరఫ్, సర్పంచులు కర్ర సరిత తదితరులు పాల్గొన్నారు.
