మధ్యాహ్న భోజనంలో బల్లి..!

దిశ, భీమదేవరపల్లి: హనుమకొండ జిల్లా భీమదేవరపల్లి మండలం ముల్కనూర్ మోడల్ స్కూల్ పాఠశాలలోని మధ్యాహ్న భోజనంలో బల్లి పడటం కలవరం రేపింది. శనివారం మధ్యాహ్న భోజన సమయంలో విద్యార్థులకు భోజనం వడ్డిస్తుండగా ఆహారంలో బల్లిని చూసిన సిబ్బంది వెంటనే అధ్యాపక బృందానికి సమాచారం అందించారు. అప్పటికే 30 మంది విద్యార్థులు భోజనం చేయగా ప్రిన్సిపల్ కుమార్ వైద్యులను పాఠశాలకు పిలిపించి పిల్లలకు వైద్య పరీక్షలు నిర్వహించారు. ఎలాంటి ఇబ్బంది లేదని వైద్యులు తెలిపారు. పాఠశాలలో కిచెన్ షెడ్డు లేకపోవడంతో తడకల పందిరి కింద వంట చేస్తుండగా బల్లి పడినట్లు తెలుస్తోంది.