తొర్రూరులో కేటీఆర్ కు ఘన స్వాగతం పలికిన ఎర్రబెల్లి..

దిశ, తొర్రూరు:- మాజీ మంత్రి కల్వకుంట్ల తారక రామారావు కు తొర్రూరులో మాజీ మంత్రి ఎర్రబెల్లి దయాకర్ రావు ఘన స్వాగతం పలికారు. మహబూబాబాద్ జిల్లాలో ధర్నా కార్యక్రమాన్ని విజయవంతంగా ముగించిన తెలంగాణ మాజీ మంత్రి కేటీఆర్, హైదరాబాద్ బయలుదేరి వెళ్తుండగా మార్గమధ్యలో తొర్రూరు పట్టణానికి చేరుకోగానే ఎర్రబెల్లి దయాకర్ రావు ఘన స్వాగతం పలికారు. ఈ సందర్భంగా ఎర్రబెల్లి దయాకర్ రావు మాట్లాడుతూ… బీఆర్ఎస్ ప్రభుత్వం రైతులకు, పేదలకు అందించిన సంక్షేమ పథకాల గురించి ప్రశంసించారు. ప్రజల అభివృద్ధికి కేటీఆర్ నాయకత్వం కీలకమని, రాష్ట్రంలో నిరంతర అభివృద్ధికి ఆయన మార్గదర్శకత్వం అవసరమని పేర్కొన్నారు.కేటీఆర్ స్వాగత కార్యక్రమాన్ని ముగించుకుని, ప్రజలతో మమేకమైన తర్వాత హైదరాబాద్ వైపు తన ప్రయాణాన్ని కొనసాగించారు.