గంజాయి సేవిస్తున్న ఇద్దరిపై కేసు నమోదు

దిశ, దేవరుప్పుల : గంజాయి సేవిస్తూ ఇద్దరు పట్టుపడిన సంఘటన దేవరుప్పుల మండలం సింగరాజుపల్లి గ్రామంలో చోటు చేసుకుంది. పాలకుర్తి సీఐ మహేందర్ రెడ్డి తెలిపిన వివరాల ప్రకారం… సింగారాజుపల్లి గ్రామానికి చెందిన జోగు అర్జున్,రచ్చ చందు అను ఇద్దరు వ్యక్తులు గంజాయి సేవిస్తున్నారని పక్కా సమాచారం మేరకు ఎస్ఐ సృజన్ కుమార్ ,సిబ్బంది అక్కడకి వెళ్లి వారిని గంజాయితో సహా పట్టుకోవడం జరిగిందని తెలిపారు. ఇద్దరి నుంచి 50 గ్రాముల గంజాయి,ఒక సెల్ ఫోన్,ద్విచక్ర వాహనం సీజ్ చేసి దర్యాప్తు చేసి ఇద్దరిని రిమాండ్ తరలిస్తున్నట్లు తెలిపారు. కావున ఎవరైనా గంజాయి సేవించిన,తరలించిన వారిపై కఠిన చర్యలు తీసుకుంటామని పాలకుర్తి సీఐ గట్ల మహేందర్ రెడ్డి హెచ్చరించారు. తనిఖీల్లో దేవరుప్పుల మండల ఎస్సై సృజన్ కుమార్,పోలీస్ సిబ్బంది పాల్గొన్నారు.