మంత్రి పొన్నం ప్రభాకర్‌తో విక్రమ్ గౌడ్ భేటీ

దిశ, డైనమిక్ బ్యూరో: దివంగత మాజీ మంత్రి ముఖేష్ గౌడ్ తనయుడు, గోషామహల్ నియోజకవర్గ నేత విక్రమ్ గౌడ్ ఇటీవల బీజేపీకి రాజీనామా చేసిన సంగతి తెలిసిందే. మరోవైపు కాంగ్రెస్ పార్టీలో చేరేందుకు సన్నాహాలు చేస్తున్నారని సమాచారం. తాజాగా ఆయన హైదరాబాద్ ఇంచార్జ్ మంత్రి రవాణా, బీసీ సంక్షేమ శాఖ మంత్రి పొన్నం ప్రభాకర్‌తో భేటి అయ్యారు. సోమాజిగూడలోని తన నివాసంలో ఇవాళ కలిశారు. తాజా రాజకీయ పరిస్థితులపై మాట్లాడినట్లు సమాచారం. మరోవైపు హైదరాబాద్‌లో మాజీ దివంగత మంత్రి ముఖేష్ గౌడ్ విగ్రహ ఏర్పాటుకు అనుమతి కోరుతూ వినతి పత్రం అందజేశారు.