Tamannaah: ‘ఆ విషయంలో అదృష్టవంతురాలిని’.. 15 ఏళ్ల సినీ ప్రయాణంపై టాలీవుడ్ ప్రముఖ నటి ఇంట్రెస్టింగ్ కామెంట్స్
దిశ, వెబ్‌డెస్క్: టాలీవుడ్ ప్రముఖ నటి తమన్నా భాటియా(Tamannaah Bhatia) తాజాగా ఓ ఇంటర్వ్యూకు హాజరై.. తన 15 ఏళ్ల సినీ ప్రయాణం గురించి పలు ఆసక్తికర వ్యాఖ్యలు చేసింది. 15 సంవత్సరాలకే సినీ ఇండస్ట్రీలో అడుగు పెట్టానని, కెరీర్‌లో వేసే ప్రతి అడుగు అద్భుతమైనదేని, ఏదో ఒకటి ప్రత్యేకంగా క్రియేట్ చేసుకోవడడానికే ట్రై చేశానని చెప్పుకొచ్చింది. సుదీర్ఘకాలంగా సినీ ఇండస్ట్రీలో కొనసాగాలంటే ఏమి అవసరమో ఇన్నాళ్ల తర్వాత తెలుసుకున్నానని పేర్కొంది.
సినీ పరిశ్రమలో ఉండాలంటే డిఫరెంట్ డిఫరెంట్ స్కిల్స్ కలిగి ఉండాలని, ఇప్పటికీ ఏళ్ల తరబడి పనిచేస్తున్న నటీనటులను అభినందిస్తున్నానని తెలిపింది. సినీ ప్రేక్షకులు ఎక్కువగా ఇష్టపడే కంటెంట్‌ ఎంపిక చేసుకుని.. నటించాలని ఆచితూచి అడుగువేస్తున్నానని వెల్లడించింది. ఏదైనా స్టోరీ నా దగ్గరకు వచ్చినప్పుడు వెంటనే ఓకే చెప్పనని, ఈ సినిమాలో నేను నటించగలనా? లేదా? ఆ రూల్ నాకు సరిపోతుందా? అని చాలా కోణాల్లో ఆలోచించి.. నిర్ణయం తీసుకుంటానని తమన్నా వివరించింది.
ప్రజెంట్ నేను నటిస్తోన్న రోల్స్ చిన్నవే కావచ్చు.. కానీ మీరు చేసే పని గురించి ఆలోచించాలని.. అదే మన పాత్ర ప్రాముఖ్యతను నిర్ణయిస్తుందని వ్యాఖ్యానించింది. సికందర్ కా ముఖద్దర్(Sikandar Ka Mukhaddar) సినిమాలో నాకు అవకాశం రావడం హ్యాపీగా ఫీల్ అవుతున్నానని, అందులో నాలోని కొత్త కోణాన్ని ప్రదర్శించే చాన్స్ వచ్చిందని తెలిపింది. నీరజ్ పాండే(Neeraj Pandey) ఒక పవర్‌హౌస్ దర్శకుడని.. ఈ దర్శకుడి డైరెక్షన్‌లో నటించడం నేను నిజంగా లక్కీ అని వెల్లడించింది. నా కెరీర్‌లోనే సికిందర్ కా ముఖద్దర్ సినిమాలోనే నటించిన రోల్ చాలా స్పెషల్ అని పేర్కొంది.
