తెలంగాణకు కొత్త ఎయిర్‌పోర్టులు.. కేంద్ర మంత్రి రామ్మోహన్ క్లారిటీ
దిశ, వెబ్‌డెస్క్: శంషాబాద్ అంతర్జాతీయ విమానాశ్రయంలో ఏవియేషన్ సెక్యూరిటీ కల్చర్ వీక్ కార్యక్రమం నిర్వహించారు. ఈ కార్యక్రమంలో కేంద్ర మంత్రి కింజారపు రామ్మోహన్ నాయుడు పాల్గొని మొక్కలు నాటారు. అనంతరం ఏర్పాటు చేసిన సభలో పాల్గొని మాట్లాడారు. శంషాబాద్ ఎయిర్‌పోర్టుకు చంద్రబాబు హయాంలోనే బీజం పడిందని అన్నారు. అప్పుడు ఇంత భూమి ఎందుకు కేటాయించారని విమర్శలు చేశారని గుర్తుచేశారు. చంద్రబాబు దూర దృష్టితోనే అంతర్జాతీయ స్థాయిలో పేరు వచ్చిందని అన్నారు. తెలంగాణలో కొత్త విమానాశ్రయాల ఏర్పాటును పరిశీలిస్తున్నట్లు ప్రకటించారు. అంతేకాదు.. విమానాశ్రయాల భద్రతలో అన్ని జాగ్రత్తలు తీసుకుంటున్నట్లు తెలిపారు. ప్రతి ఒక్కరూ ఒక మొక్క నాటాలని ప్రధాని మోడీ పిలుపునిచ్చారని అన్నారు. పర్యావరణ పరిరక్షణలో భాగంగా ప్రతి ఒక్కరూ మొక్కలు నాటాలని కోరారు. ఏవియేషన్ సెక్యూరిటీ కల్చరల్ వీక్‌లో భాగంగా 10కే రన్ నిర్వహణ చేస్తున్నట్లు తెలిపారు.
