TSPSC: గ్రూప్-4 హాల్ టికెట్లు విడుదల

దిశ, డైనమిక్ బ్యూరో: టీఎస్ పీఎస్సీ గ్రూప్-4 పరీక్ష హాల్ టికెట్లు విడుదలయ్యాయి. జూలై 1న జరగనున్న ఈ పరీక్ష కోసం అన్ని ఏర్పాట్లు చేస్తున్న టీఎస్ పీఎస్సీ అధికారులు శనివారం హాల్ టికెట్లు విడుదల చేశారు. టీఎస్ పీఎస్సీ వెబ్ సైట్ నుండి అభ్యర్థులు తమ హాల్ టికెట్లను డౌన్ లోడ్ చేసుకోవచ్చని పేర్కొన్నారు. ఈ పరీక్ష రెండు సెషన్స్ గా నిర్వహించబోతున్నారు. జులై 1న ఉదయం 10 గంటల నుంచి 12:30 గంటల వరకు పేపర్ -1, మధ్యాహ్నం 2:30 నుండి సాయంత్రం 5 గంటల వరకు పేపర్-2 పరీక్షలు నిర్వహించనున్నారు. ఉదయం, మధ్యాహ్నం సెషన్ కు 15 నిమిషాల ముందే పరీక్షా గేట్లను క్లోజ్ చేయనున్నట్టు అధికారులు స్పష్టం చేశారు.
హాల్ టికెట్లు డౌన్‌లోడ్ చేసుకోవాల్సిన వెబ్‌సైట్ ఇదే: https://www.tspsc.gov.in/