Trending News: సినిమా లవర్స్‌కు బంపర్ న్యూస్.. మల్టీఫ్లెక్స్‌లలో రూ.99కే మూవీ చూసేయండి ఇలా
దిశ, వెబ్‌డెస్క్: సినిమా లవర్స్‌కు మల్టీప్లెక్స్ అసోసియేషన్ ఆఫ్ ఇండియా సూపర్ ఆఫర్ ఇచ్చింది. ఈ మేరకు 31న ‘సినిమా లవర్స్ డే’ సందర్భంగా దేశ వ్యాప్తంగా ఏ భాష సినిమా అయినా.. మల్టీఫ్లెక్స్‌లలో మాత్రమే రూ.99 టికెట్‌‌తో సినిమాను వీక్షించవచ్చని వెల్లడించింది. పీవీఆర్, ఐనాక్స్, సినీ పోలీస్ లాంటి చైన్లతో పాటు దేశంలో 4 వేలకు పైగా ఉన్న స్క్రీన్లలో రూ.99 టికెట్ అందుబాటులో ఉంటుందని అసోసియేషన్ ప్రతినిధులు వెల్లడించారు. ధియేటర్లలో ప్రేక్షకుల సంఖ్యను పెంచడమే లక్ష్యంగా తాము ఈ నిర్ణయం తీసుకున్నట్లు వారు వెల్లడించారు. అదేవిధంగా బుక్ మై షో, పేటీఎం, అమెజాన్ పే లాంటి ఆన్‌లైన్ ప్లాట్ ఫాంలలో ఈ నెల 31న సినిమా టికెట్లు బుక్ చేసుకొనే వారు రూ.99తో పాటు జీఎస్టీ, కన్వీనియన్స్ ఫీజు అదనంగా చెల్లించాల్సి ఉంటుందని తెలిపారు. ఒకవేళ థియేటర్ కౌంటర్ వద్ద టికెట్ కొనుగోలు చేస్తే.. జీఎస్టీ, ఇతర చార్జీలు ఉండవని వారు తెలిపారు.
