CM Revanth Reddy:నేడు ఢిల్లీకి వెళ్లనున్న సీఎం రేవంత్ రెడ్డి
దిశ,వెబ్‌డెస్క్: తెలంగాణ సీఎం రేవంత్‌రెడ్డి(CM Revanth Reddy) నేడు(సోమవారం) ఢిల్లీకి వెళ్లనున్నారు. సీఎం రేవంత్‌రెడ్డి ఢిల్లీకి వెళ్లడం ఇది 27వ సారి కావడం గమనార్హం. రాష్ట్ర ప్రభుత్వం నిర్వహించే ప్రజాపాలన విజయోత్సవాల పై ఆయన అధిష్టానంతో చర్చించే అవకాశమున్నట్లు తెలుస్తోంది. ఈ కార్యక్రమానికి హాజరు కావాలని పార్టీ పెద్దలను ఆహ్వానిస్తారని సమాచారం. కాంగ్రెస్ అధిష్ఠానంతో సమావేశం అయ్యేందుకు సీఎం ఢిల్లీకి బయలుదేరి వెళ్లనున్నారు.
ఈ సమావేశంలో రాష్ట్రంలో నామినేటెడ్‌ పోస్టుల(Nominated posts) భర్తీతోపాటు కులగణన అంశం పై చర్చించే అవకాశం ఉన్నట్లు తెలుస్తోంది. దీంతోపాటు మంత్రివర్గ విస్తరణపై ఆయన చర్చించనున్నట్టు సమాచారం. ఆయా అంశాలపై నెల క్రితమే నిర్ణయం తీసుకోవాల్సి ఉండగా, మహారాష్ట్ర, జార్ఖండ్‌ ఎన్నికల నేపథ్యంలో అధిష్ఠానం పెద్దలు వాయిదా వేశారు. ఇప్పుడు ఎన్నికల ప్రక్రియ ముగియడంతో రాష్ట్రానికి సంబంధించిన వివిధ అంశాలపై చర్చించే అవకాశం ఉన్నది. అనంతరం లోక్‌సభ స్పీకర్‌(Speaker of the Lok Sabha) ఓం బిర్లా కుటుంబం నిర్వహించే ఓ ఫంక్షన్‌లో సీఎం రేవంత్ రెడ్డి పాల్గొననున్నారు.
