కాంగ్రెస్ ఆరు గ్యారెంటీలు చూసే సీఎం కేసీఆర్‌కు చలి జ్వరం: రేవంత్ రెడ్డి సెటైర్

దిశ, వెబ్‌డెస్క్: కాంగ్రెస్ పార్టీ ప్రకటించిన ఆరు గ్యారెంటీలు చూసే సీఎం కేసీఆర్‌కు చలి జ్వరం వచ్చిందని టీపీసీసీ చీఫ్ రేవంత్ రెడ్డి ఎద్దేవా చేశారు. తెలంగాణ అసెంబ్లీ ఎన్నికల షెడ్యూల్ విడుదల అయిన తర్వాత ఆయన ఢిల్లీలో మీడియాతో మాట్లాడారు. తెలంగాణను బీఆర్ఎస్ వంచించిందని రేవంత్ ఫైర్ అయ్యారు. కేసీఆర్ కుటుంబం అన్ని రంగాల్లో అవినీతికి చేసిందని ధ్వజమెత్తారు. డిసెంబర్‌లో తెలంగాణలో అద్భుతాలు జరుగుతాయని.. కాంగ్రెస్ అధికారంలోకి వస్తుందని దీమా వ్యక్తం చేశారు. అధికారంలోకి రాగానే తెలంగాణ ఉద్యమకారులకు ఇళ్ల స్థలాలిస్తామని హామీ ఇచ్చారు. బీఆర్ఎస్ హాయంలో జరిగిన దోపిడిని ప్రజల ముందు పెడతామని వార్నింగ్ ఇచ్చారు. తెలంగాణలో ఓట్లను చీల్చేందుకు గుంట నక్కలు పొంచి ఉన్నాయని అన్నారు.