తెలంగాణ రావణ సామ్రాజ్యం కాంగ్రెస్ వల్ల జరగబోయే దారుణాలు ఇవే.. మాధవీలత సంచలన పోస్ట్
దిశ, వెబ్‌డెస్క్: టాలీవుడ్ హీరోయిన్ మాధవీలతకు పరిచయం అవసరం లేదు. కెరీర్ మొదట్లో మాధవీలత స్నేహితుడా, నచ్చవులే లాంటి విజయవంతమైన చిత్రాల్లో నటించి మెప్పించింది. ఆ తర్వాత టాలీవుడ్ లో మహిళలపై జరుగుతున్న వేధింపులు, అవకాశాల పేరుతో లోబరుచుకునే ప్రయత్నాలు లాంటి సంఘటనలపై నోరు విప్పి సంచలనం సృష్టించింది. తనపై ఎన్ని వివాదాలు జరిగినా, ఎంత ట్రోలింగ్ ఎదురైనా మాధవీలత వెనక్కి తగ్గడం లేదు. సోషల్ మీడియాలో మాధవీలత తన అభిప్రాయాలని బోల్డ్ గా చెబుతూనే ఉంది. సినిమా విషయాలు మాత్రమే కాదు రాజకీయాలపై కూడా మాధవీలత సంచలన వ్యాఖ్యలు చేయడం చూస్తూనే ఉన్నాం.
సోషల్ మీడియాలో యాక్టీవ్ ఉంటూ నిత్యం పలు వివాదాస్పద వ్యాఖ్యలు చేస్తూ వార్తల్లో నిలుస్తుంది. తాజాగా, తెలంగాణ అసెంబ్లీ ఎన్నికల్లో కాంగ్రెస్ గెలవడంపై మాధవీలత ఇన్‌స్టాగ్రామ్ వేదికగా స్పందించింది. ‘‘తెలంగాణలో వచ్చే ఐదేళ్లలో జరగబోయే దారుణాలు ఇవే.. ఫుడ్ ఉండదు.. ఉద్యోగాలు ఉండవు.. మహిళలకు భద్రత ఉండదు.. శాంతి అసలే ఉండదు. ఎంజాయ్ చేయండి.. తెలంగాణ కాంగ్రెస్ లవర్స్ కి గుడ్ లక్.. ఇక రావణ సామ్రాజ్యం మొదలు. కాంగ్రెస్ తో పోలిస్తే బీఆర్ఎస్ కి నా మార్కులు 99 నేను ఇస్తాను’’ అంటూ రాసుకొచ్చింది. ప్రస్తుతం మాధవీలత పోస్ట్ నెట్టింట వైరల్ అవుతోంది. దీంతో అది చూసిన కాంగ్రెస్ పార్టీ సపోర్ట్‌గా నిలిచిన వారు మండిపడుతున్నారు.
- Tags
- revanth reddy
