పరేడ్ గ్రౌండ్‌లో ప్రధాని సభ.. నగరంలో ట్రాఫిక్ ఆంక్షలు ఇవే..!
దిశ, డైనమిక్ బ్యూరో : ప్రధాని మోడీ ఇవాళ హైదరాబాద్ వస్తున్న విషయం తెలిసిందే. అసెంబ్లీ ఎన్నికల నేపథ్యంలో బీజేపీ తరపున ప్రచారం కోసం మరోసారి రాష్ట్రానికి రానున్నారు. దీంతో సికింద్రాబాద్‌లోని పరేడ్ గ్రౌండ్స్‌లో నిర్వహించబోయే మాదిగల విశ్వరూప మహాసభకు ప్రధాని హాజరవ్వనున్నారు. ఈ సందర్భంగా మధ్యాహ్నం 2 నుంచి రాత్రి 8 గంటల వరకు ప్రధాని తిరిగే ప్రాంతాల్లో ట్రాఫిక్ ఆంక్షలు విధించారు. పంజాగుట్ట - గ్రీన్‌ల్యాండ్, బేగంపేట నుంచి సికింద్రాబాద్ పరేడ్ గ్రౌండ్స్‌ వరకు, తివోలి ఎక్స్‌ రోడ్స్, ప్లాజా ఎక్స్‌ రోడ్ల మధ్య రహదారులు మూసివేయనున్నారు. ముఖ్యంగా సికింద్రాబాద్ పరిసర ప్రాంతాల్లో దారి మళ్లింపులు, ప్రత్యామ్నాయ మార్గాలు ఉంటాయని అదనపు పోలీస్ కమిషనర్ సుధీర్ బాబు సూచించారు.
Advertisement
Next Story
