The Greatest of All Time: 'ది గోట్' సినిమాపై తెలంగాణ సర్కార్ కీలక నిర్ణయం
దిశ, వెబ్ డెస్క్ : కోలీవుడ్ నటుడు విజయ్(Vijay) హీరోగా గురువారం విడుదలవుతున్న చిత్రం 'ది గోట్'(The Greatest Of All Time) పై తెలంగాణ ప్రభుత్వం కీలక నిర్ణయం తీసుకుంది. ఈ సినిమా అదనపు షోస్ వేయడానికి ప్రభుత్వం అంగీకారం తెలిపింది. ఈ చిత్రాన్ని తెలుగులోకి తీసుకు వస్తున్న మైత్రీ మూవీ డిస్ట్రిబ్యూటర్స్ అదనపు షో వేయడానికి ప్రభుత్వానికి విజ్ఞప్తి చేయగా.. విడుదలైన రోజు ఉదయం 4 గంటల షో కు సర్కార్ గ్రీన్ సిగ్నల్ ఇచ్చింది. అయితే హైదరాబాద్(Hyderabad) లోని కేవలం 15 థియేటర్లకు మాత్రమే ఈ అదనపు షో అనుమతి ఇస్తూ ప్రత్యేక జీవో జారీ చేసింది. వెంకట ప్రభు దర్శకత్వంలో, సైన్స్ ఫిక్షన్ కథాంశంతో వస్తున్న ఈ సినిమాలో విజయ్ ద్విపాత్రాభినయం చేశాడు. ప్రశాంత్, వైభవ్, లైలా, స్నేహ కీలక పాత్రలు పోషించిన ఈ సినిమాలో.. ప్రత్యేక టెక్నాలజీ ద్వారా దివంగత నటుడు విజయ్ కాంత్ కూడా ఓ పాత్ర పోషించాడని సమాచారం.
