గుడ్ న్యూస్.. 5348 ఉద్యోగాల భర్తీకి తెలంగాణ సర్కార్ గ్రీన్ సిగ్నల్

దిశ, వెబ్‌డెస్క్: నిరుద్యోగులకు తెలంగాణ సర్కార్ మరో గుడ్ న్యూస్ చెప్పింది. వైద్యారోగ్య శాఖలో ఖాళీగా ఉన్న 5348 పోస్టుల భర్తీకి ప్రభుత్వం అనుమతి తెలిపింది. ఈ మేరకు ఉద్యోగ ఖాళీల భర్తీకి ఆమోదం తెలుపుతూ ఆర్థిక శాఖ ప్రత్యేక ప్రధాన కార్యదర్శి ఈ నెల 16వ తేదీన ఉత్తర్వులు జారీ చేశారు. 5348 పోస్టుల భర్తీలో భాగంగా ఐపీఎం, డీఎంఈ, వైద్య విధాన పరిషత్ విభాగాల్లో ఉద్యోగాలను భర్తీ చేయున్నారు. ఎంఎన్‌జే క్యాన్సర్ ఆసుపత్రిలో సైతం ఖాళీగా ఉన్న పోస్టుల భర్తీకి ప్రభుత్వం గ్రీన్ సిగ్నల్ ఇచ్చింది. వైద్యారోగ్య శాఖ సర్వీసుల బోర్డు ద్వారా ఈ ఉద్యోగాలను భర్తీ చేయనున్నారు.