కంగ్రాట్స్.. కాంగ్రెస్ అభ్యర్థులు, కార్యకర్తలకు సునీల్ విషెస్..!

దిశ, తెలంగాణ బ్యూరో: కాంగ్రెస్ పార్టీ విజయం దిశగా అడుగులు వేసిందని, ఈ సార్వత్రిక ఎన్నికల్లో తెలంగాణలో కాంగ్రెస్ జెండా ఎగురవేస్తున్నట్లు ఆ పార్టీ స్ట్రాటజిస్టు సునీల్ కనుగోలు టీపీసీసీ అధ్యక్షుడు రేవంత్ రెడ్డి, అన్ని నియోజకవర్గాల అభ్యర్ధులు, కార్యకర్తలకు విషెస్ చెప్పినట్లు తెలిసింది. గాంధీభవన్‌లోని వార్ రూమ్ నుంచి శుభాకాంక్షలు తెలుపుతూ అభ్యర్ధులకు మెస్సేజ్‌లు వెళ్లాయి. ప్రజాస్వామ్యం కాపాడేందుకు అందరూ శ్రమించి ఒడ్డెక్కారని ఆయన అభినందనలు తెలిపారు. దేశమంతటా ఇక కాంగ్రెస్ వేవ్ రావడం ఖాయమంటూ అభ్యర్ధులకు తన సందేశాన్ని పంపించారు. అయితే అతి త్వరలో టీపీసీసీ కీలక నాయకులు, అభ్యర్ధులతో సునీల్ కనుగోలు ప్రత్యేక మీటింగ్‌ను ఏర్పాటు చేయనున్నారు. గాంధీభవన్ లేదా ప్రైవేట్ హోటల్‌లో ఏర్పాటు చేసేందుకు సిద్ధమవుతున్నారు.

ఇదిలా ఉండగా, తెలంగాణ సార్వత్రిక ఎన్నికల్లో కాంగ్రెస్ పార్టీ గ్రాఫ్‌ను పెంచడంలో సునీల్ కీలకంగా వ్యవహరించారు. టిక్కెట్ల ఎంపిక దగ్గర్నుంచి ప్రచారం, ఏఐసీసీ అగ్రనాయకుల పర్యటనలన్నీ ఆయన ఫిక్స్ చేశారు. ఆయన వేసిన ప్లాన్‌లన్నీ క్రమంగా ఫలితాలను ఇస్తూ వచ్చాయి. పోలింగ్ లోనూ సునీల్ ఆశించిన రిజల్టే రానున్నట్లు ఎగ్జిట్ పోల్స్ తేల్చేశాయి. దీంతో అన్ని నియోజకవర్గాల క్యాండియేట్లతో సునీల్ కనుగోలు ఇంటారక్షన్ నిర్వహించనున్నారు.