బిడ్డా.. భయపడకు! ఫోన్లు ఎందుకు మార్చారని అడిగితే ఇలా సమాధానం చెప్పు!!
సీబీఐ విచారణ ఎదుర్కోబోతున్న ఎమ్మెల్సీ కవితకు తండ్రి, సీఎం కేసీఆర్మనోధైర్యం చెప్పారు. బిడ్డా.. భయపడకు అంటూ ఓదార్చినట్టు తెలిసింది. ఆందోళన చెందవద్దని నిపుణులతో కౌన్సిలింగ్ఇప్పించినట్టు సమాచారం. ఈ సందర్భంగా న్యాయ నిపుణులు, సీబీఐ కేసుల్లో సుప్రీంకోర్టు ఎక్స్పర్ట్అడ్వొకేట్స్కవితకు దిశానిర్దేశం చేసినట్టు తెలిసింది. అన్ని ఫోన్లు ఎందుకు మార్చారని అడిగితే ఏం సమాధానం చెప్పాలి? వాటిని ధ్వంసం చేయాల్సిన అవసరం ఎందుకు వచ్చిందనే అడిగితే ఏం చెప్పాలి? రిమాండ్లో ఉన్న శరత్ చంద్రారెడ్డి, అమిత్ ఆరోరాతో ఉన్న పరిచయాలపై ప్రశ్నలు అడిగితే ఏ మేరకు చెప్పాలి? వంటి అంశాలతో మాక్ ఎంక్వైరీ నిర్వహించినట్టు సమాచారం.
దిశ, తెలంగాణ బ్యూరో: కూతురు కవితకు సీఎం కేసీఆర్ ధైర్యం నూరిపోసినట్టు తెలిసింది. భయం, ఆందోళన లేకుండా సీబీఐ విచారణ ఎదుర్కోవాలని కౌన్సిలింగ్ ఇచ్చినట్టు సమాచారం. సుమారు నాలుగు గంటల పాటు న్యాయ నిపుణులు, సీబీఐ కేసులను వాదించిన సుప్రీంకోర్టు సీనియర్ అడ్వకేట్స్తో ఆయన కవితకు దిశానిర్దేశం చేసినట్టు తెలిసింది. ఢిల్లీ లిక్కర్ కేసులో సాక్షిగా విచారణ చేసేందుకు కవితకు సీబీఐ నోటీసులు ఇచ్చిన విషయం తెలిసిందే. దీంతో శనివారం ఉదయమే కవిత ప్రగతిభవన్ కు చేరుకున్నారు. ఈ సందర్భంగా సీఎం కేసీఆర్ ఆమెలో మనోధైర్యం నింపే ప్రయత్నం చేసినట్టు టీఆర్ఎస్ లో చర్చ జరుగుతున్నది.
సీబీఐ విచారణపై తర్పీదు
ఈ నెల 6న సీబీఐ అధికారులు ఆమె ఇంట్లో కవితను విచారణ చేయనున్నారు. ఈ సందర్భంగా సీబీఐ ఆఫీసర్లు ఏవిధంగా ప్రశ్నలు అడుగనున్నారు. వాటికి ఎలా స్పందించాలి? ఏ ప్రశ్నకు ఏం సమాధానం ఇవ్వాలి? అనే విషయాలపై సుమారు 15 మంది లీగల్ టీమ్ తో కవితకు కౌన్సిలింగ్ ఇచ్చినట్టు తెలిసింది. ఈ టీమ్ లో సీనియర్ న్యాయవాదులు, రిటైర్డ్ జడ్జీలు, గతంలో సీబీఐ కేసులను వాదించిన సుప్రీంకోర్టు న్యాయవాదులు ఉన్నట్టు సమాచారం. వీరంతా సీబీఐ అధికారుల నుంచి వచ్చే ప్రశ్నలు ఎలా ఉంటాయో చెపుతూ, వాటికి ఏ విధంగా ఆన్సర్ ఇవ్వాలో పూసగుచ్చి వివరించినట్టు తెలిసింది.
మాక్ ఎంక్వయిరీ
అన్ని ఫోన్లు ఎందుకు మార్చారని అడిగితే ఏం సమాధానం చెప్పాలి? ఆ ఫోన్లను ధ్వంసం చేయాల్సినఅవసరం ఎందుకు వచ్చిందనే అడిగితే ఏం చెప్పాలి? రిమాండ్లో ఉన్న శరత్ చంద్రారెడ్డి, అమిత్ ఆరోరాతో ఉన్న పరిచయాలపై ప్రశ్నలు అడిగితే ఏ మేరకు చెప్పాలి? ఇలా లీగల్ ఎక్స్పర్ట్స్ కౌన్సిలింగ్ ఇచ్చినట్టు తెలిసింది.
Read More.....
