ఆస్ట్రేలియా లోని సిడ్నీలో పర్యటించనున్న స్పీకర్, మండలి చైర్మన్

దిశ, తెలంగాణ బ్యూరో : ఈ నెల 2 నుంచి అధికారిక విదేశీ పర్యటనకు రాష్ట్ర శాసనసభ, శాసనమండలి బృందం వెళ్తుంది. ఆస్ట్రేలియాలోని సిడ్నీ లో జరిగే 67వ కామన్వెల్త్ పార్లమెంట్ కాన్ఫరెన్స్ లో పాల్గొననుంది. శనివారం రాత్రి శంషాబాద్ విమానాశ్రయం నుంచి సిడ్నీకి బృందం వెళ్లనుంది. కాన్ఫరెన్స్ అనంతరం స్టడీ టూర్ లో భాగంగా న్యూజిలాండ్, జపాన్, దక్షిణ కొరియా దేశాలలో పర్యటిస్తారు. అనంతరం ఈ నెల 16 పర్యటన ముగించుకుని హైదరాబాద్ కు తిరిగి రానున్నారు. బృందంలో శాసన సభాపతి గడ్డం ప్రసాద్ కుమార్, శాసన మండలి చైర్మన్ గుత్తా సుఖేందర్ రెడ్డి, డిప్యూటీ చైర్మన్ బండా ప్రకాష్ ముదిరాజ్ , లెజిస్లేచర్ సెక్రటరీ డాక్టర్ వి నరసింహా చార్యులు ఉన్నారు.