ఈ మాఫియా గ్యాంగ్‌లను ఏం చేద్దాం? డీజేపీని ప్రశ్నించిన R. S. Praveen Kumar

దిశ, తెలంగాణ బ్యూరో: సిర్పూర్ నియోజకవర్గంలోని బెజ్జూరులో టీఆర్ఎస్ ఎమ్మెల్యే కోనేరు కోనప్ప ఆగడాలకు అంతులేకుండా పోయిందని బీఎస్పీ స్టేట్ చీఫ్ ఆర్ఎస్ ప్రవీణ్ కుమార్ ఆరోపణలు చేశారు. ఈ మేరకు ఆదివారం ట్విట్టర్ వేదికగా తెలిపారు. ఎమ్మెల్యే ఆగడాలకు వ్యతిరేకంగా ఫిర్యాదు చేయడానికి పోలీసు స్టేషన్లకు పోయినా పట్టించుకునే నాధుడే లేడని పేర్కొన్నారు. ఏం చేద్దాం ఈ మాఫియా గ్యాంగులను అంటూ ట్వీట్టర్‌లో రాష్ట్ర డీజీపీని ప్రశ్నించారు. ఇదిలా ఉండగా మరో ట్వీట్ చేస్తూ.. సర్కారు పాఠశాలల్లో కుల వివక్ష ఉందని, ఏం పాపం చేశారని చౌటుప్పల్ మండలంలోని పేద వడ్డెర చిన్నారులను పాఠశాలలో చిన్నచూపు చూస్తున్నారని ప్రభుత్వాన్ని ప్రశ్నించారు