కృష్ణారెడ్డి, స్రవంతిలతో రేవంత్ భేటీ

దిశ, డైనమిక్ బ్యూరో : మునుగోడు ఉపఎన్నిక గెలుపుపై టీపీసీసీ చీఫ్ రేవంత్ రెడ్డి ఫోకస్ పెట్టారు. దీంట్లో భాగంగా శనివారం పార్టీ అభ్యర్థి పాల్వాయి స్రవంతి, చెలమల కృష్ణారెడ్డితో రేవంత్ రెడ్డి ఆయన నివాసంలో భేటీ అయ్యారు. కృష్ణారెడ్డికి టికెట్ రాకపోవడంతో ఆయనకు నచ్చజెప్పారు. ఈ నేపథ్యంలో పార్టీలోని పలువురు నేతలంతా కృష్ణారెడ్డిని కలిసి ఎన్నికలో పార్టీ గెలుపు కోసం కలిసి పనిచేయాలని కోరారు. దీనికి ఇరువురు నేతలు సానుకూలంగా ఉన్నట్టు సమాచారం. కాగా, శుక్రవారం మునుగోడు కాంగ్రెస్ అభ్యర్థిగా పాల్వాయి స్రవంతి పేరును కాంగ్రెస్ అధిష్టానం ఖ‌రారు చేసింది. ఈ మేర‌కు ఆ పార్టీ జ‌న‌ర‌ల్ సెక్రట‌రీ ముకుల్ వాస్నిక్ పాల్వాయి స్రవంతి పేరును అధికారికంగా ప్రక‌టించారు.

Also Read : చిక్కుల్లో రాహుల్ గాంధీ.. భారత్ జోడో యాత్రలో వివాదాస్పద వ్యక్తితో భేటీ!