నెంబర్ ప్లేట్ లేని వాహనాలు సీజ్

దిశ, తాండూరు : నేరాలను నియంత్రించేందుకు వాహనాల తనిఖీలు నిర్వహించిన పోలీసులు నెంబర్ ప్లేట్ లేని వాహనాలను సీజ్ చేసినట్లు తెలిపారు. ఉన్నతాధికారుల ఆదేశాల మేరకు తాండూరు పట్టణంలో శనివారం డ్రైవ్ ను నిర్వహించినట్టు సీఐ తెలిపారు. ఈ సందర్బంగా తాండూరు పట్టణం సీఐ రాజేందర్ రెడ్డి మాట్లాడుతూ సమాజంలో జరుగుతున్న నేరాల నియంత్రణలో భాగంగా వాహనాల తనిఖీలు నిర్వహించామన్నారు. తప్పుడు నంబర్ తో వాహనాలు నడుపుతూ దొంగతనాలకు, చైన్స్ స్నాచింగ్ లాంటి నేరాలకు పాల్పడుతున్నారని తెలిపారు.

ఈ సందర్భంగా తాండూర్ పట్టణంలోని ఇందిరా చౌక్ లో వాహనాల తనిఖీలు నిర్వహించి సరైన నంబర్ ప్లేట్ లేని వాహనాలను సీజ్ చేశామని పేర్కొన్నారు. దాదాపు 110 వాహనాలను సీజ్ చేసినట్లుగా వెల్లడించారు. తాండూరు పట్టణ ప్రజలందరూ పోలీస్ వారికి సహకరించి సరైన నెంబర్ ప్లేట్లను తమ వాహనాలకు పెట్టుకోగలరని సూచించారు. ఈ స్పెషల్ డ్రైవ్ ద్వారా సమాజంలో జరుగుతున్న నేరాలను నియంత్రించేందుకు పట్టణ ప్రజలందరూ సహకరించాలని కోరారు.