మహేశ్వరం ప్రజా ఆశీర్వాద సభ సక్సెస్​

దిశ, బడంగ్​పేట్​ : మహేశ్వరం నియోజకవర్గంలో జరిగిన సీఎం ప్రజాఆశీర్వాద సభ సక్సెస్​ అయ్యింది. మహేశ్వరం నియోజకవర్గంలోని ఆర్​కె పురం, సరూర్​నగర్​ డివిజన్​లు, మీర్​పేట్​, బడంగ్​పేట్​ కార్పొరేషన్లు, జల్​పల్లి మున్సిపాలిటీ, తుక్కుగూడ, కందుకూరు, మహేశ్వరం ప్రాంతాల నుంచి వేలాదిగా బీఆర్​ఎస్​ శ్రేణులు కదిలివచ్చారు. దీంతో సుమారు 4 కిలోమీటర్ల మేర ట్రాఫిక్​ స్తంభించింది. మధ్యాహ్నం నుంచి కురుస్తున్న వర్షాన్ని సైతం లెక్కచేయకుండా ప్రజాఆశీర్వాద సభకు పెద్దఎత్తున తరలివచ్చారు.

అప్పటికే కుర్చీలలో బీఆర్​ఎస్​ శ్రేణులు నిండిపోవడంతో మంత్రి సబితమ్మ, సీఎం కేసీఆర్​ ప్రసంగాలను సైతం వర్షంలోనే నిలబడి వినడం కనిపించింది. అంతేగాకుండా మల్లాపూర్​ ఆర్​సిఐ రోడ్డు సుల్తాన్​ పూర్​ నుంచి పహాడిషరీఫ్​ కు వెళ్లే రహదారి బీఆర్​ఎస్​ పార్టీ జెండాలు, ఫ్లెక్సీలు, కటౌట్​లతో గులాబీమయమయ్యింది. కళాకారుల బృందం ఆటపాటలతో గులాభి శ్రేణలతో ఉత్సాహం రెట్టింపయ్యింది. మహేశ్వరం డివిజన్​ డీసీపీ చింతమనేని శ్రీనివాస్​ ఆధ్వర్యంలో మహేశ్వరం నియోజకవర్గం ఆశీర్వాద సభకు భారీ పోలీస్​ బందోబస్తును ఏర్పాటు చేశారు.