రైతన్నకు అండగా సీఎం కేసీఆర్ : ఎమ్మెల్యే జైపాల్ యాదవ్

దిశ, ఆమనగల్లు: అన్నం పెట్టే రైతన్నకు అండగా ముఖ్యమంత్రి కేసీఆర్ ఉన్నారని ఎమ్మెల్యే జైపాల్ యాదవ్ అన్నారు. తెలంగాణ రాష్ట్ర అవతరణ దశాబ్ది ఉత్సవాల్లో భాగంగా శనివారం కడ్తాల్ పట్టణ కేంద్రంలో రైతుల సమక్షంలో ట్రాక్టర్ ర్యాలీ నిర్వహించారు. ఈ సమావేశాలకు ముఖ్య అతిథులుగా ఎమ్మెల్యే జైపాల్ యాదవ్, స్పెషల్ కమిషనర్ హనుమంత్ హాజరయ్యారు. ఈ సందర్భంగా ఎమ్మెల్యే మాట్లాడుతూ రైతుబంధు, రైతు బీమా అందిస్తున్న ఏకైక ప్రభుత్వం తెలంగాణ ప్రభుత్వమని రైతుల సంక్షేమం కోసం వినూత్నమైన కార్యక్రమాలు చేపట్టిన ఏకైక ముఖ్యమంత్రి కేసీఆర్ అన్నారు.

ఆమనగల్లు మండలంలోని 4 రైతువేదిక భవనాలలో, మాడ్గుల మండలంలోని 7 రైతు వేదిక భవనాలలో వ్యవసాయ శాఖ అధికారుల సమక్షంలో రైతు దినోత్సవ వేడుకలు ఘనంగా నిర్వహించారు. ఈ సందర్భంగా రైతులు అధిక సంఖ్యలో పాల్గొని ముఖ్యమంత్రి కేసీఆర్ కు అండగా ఉంటామని ప్రతిజ్ఞ చేశారు. ఈ కార్యక్రమాలలో వ్యవసాయ శాఖ అధికారులు శ్రీలత, అరుణకుమారి, జిల్లా ఎస్సీ, ఎస్టీ మానిటరింగ్ సభ్యులు పత్య నాయక్, జడ్పీటీసీ దశరథ్ నాయక్, పిఎసిఎస్ చైర్మన్ వెంకటేష్, ఎంపీపీ కమ్లి, రైతు సమన్వయ సమితి అధ్యక్షులు జోగు వీరయ్య తదితరులు పాల్గొన్నారు.