TG Assembly: అసెంబ్లీ సమావేశాల్లో బిగ్ ట్విస్ట్.. నిరసనకు దిగిన కాంగ్రెస్ ఎమ్మెల్యేలు
దిశ, వెబ్‌డెస్క్: ఆరో రోజు అసెంబ్లీ సమావేశాలు (Assembly Sessions) దద్దరిల్లాయి. ఓ వైపు భూ భారతి బిల్లు (Bhu Bharathi Bill)పై మంత్రి పొంగులేటి శ్రీనివాస రెడ్డి (Minister Ponguleti Srinivas Reddy) మాట్లాడుతుండగా.. బీఆర్ఎస్ (BRS) సభ్యులు ఫార్ములా ఈ-కారు రేసు (Formula E-Car Race) అంశంపై చర్చించాలంటూ పట్టుబట్టారు. ఈ క్రమంలో వారంతా పేపర్లు చించి స్పీకర్ వైపు గాల్లో ఎగురవేస్తూ.. ప్లకార్టులతో వెల్‌లోకి దూసుకొచ్చారు. దీంతో స్పీకర్ గడ్డం ప్రసాద్ కుమార్ (Speaker Gaddam Prasad Kumar) సభను 15 నిమిషాల పాటు వాయిదా వేశారు. ఈ క్రమంలోనే కాంగ్రెస్ ఎమ్మెల్యేలు స్పీకర్‌ను అవమానించారంటూ అసెంబ్లీ ఆవరణలో నిరసనకు దిగారు. దళితుడైనా స్పీకర్ మీద పేపర్లు విసిరి అగౌరవపరిచారంటూ ఫైర్ అయ్యారు. సభలో అగౌరవంగా ప్రవర్తించింనందకు గాను బీఆర్ఎస్ (BRS) సభ్యులను సస్పెండ్ చేయాలని అన్నారు.
