దారుణం…మద్యం తాగించి అత్త పై లైంగిక దాడి చేసిన అల్లుడు

దిశ, బడంగ్ పేట్​ : ఇంట్లో ఎవరూ లేని సమయంలో ఒంటరిగా ఉన్న అత్త పై అల్లుడు దాడి చేసి బలవంతంగా మద్యం తాగించి లైంగిక దాడి చేశాడు. ఎవరికైనా చెబితే చంపేస్తానని బెదిరించిన ఘటన బాలాపూర్​ పోలీస్​ స్టేషన్​ పరిధిలో ఆలస్యంగా వెలుగులోకి వచ్చింది. బాలాపూర్​ ఇన్​స్పెక్టర్​ ఎం.సుధాకర్​ తెలిపిన వివరాల ప్రకారం ... మహమూద్​నగర్​ కొత్తపేట్​ ప్రాంతానికి చెందిన షాకీర్​ (34) కు భార్య, ముగ్గురు పిల్లలు ఉన్నారు. గత కొంత కాలం క్రితం షాకీర్​ మామ చనిపోవడంతో అప్పటి నుంచి అత్త వాళ్ల ఇంట్లోనే ఉంటుంది. ఈ నెల 4వ తేదీన ఉదయం షాకీర్​ భార్య, అతని పిల్లలు బయటికి వెళ్లారు. మధ్యాహ్న సమయంలో అత్త ఇంట్లో ఒంటరిగా ఉండడాన్ని చూసి ఆమెపై షాకీర్​ కన్నేశాడు. అత్తపై దాడి చేసి బలవంతంగా మద్యం తాగించి అత్యాచారానికి పాల్పడ్డాడు. ఈ విషయం ఎవరికైనా చెబితే చంపేస్తానని బెదిరించాడు. దీంతో బాధితురాలు ఈ నెల 6వ తేదీన బాలాపూర్​ పోలీసులకు ఫిర్యాదు చేసింది. అల్లుడు షాకీర్​ పై బాలాపూర్​ పోలీసులు కేసులు నమోదు చేసి దర్యాప్తు చేస్తున్నారు.