ఘోరం.. అసభ్యకరంగా మాట్లాడాడని ఫ్రెండ్‌నే హత్య చేసిన యువకుడు
దిశ, బడంగ్పేట్: అసభ్యకరంగా మాట్లాడడన్న నెపంతో స్నేహితుడిని బండరాయితో మోది అతి కిరాతకంగా హత్య చేసిన ఘటన బాలాపూర్పోలీస్స్టేషన్పరిధిలో ఆలస్యంగా వెలుగులోకి వచ్చింది. ఫోన్ కాల్ ఆధారంగా 13 రోజుల అనంతరం మొహమ్మద్షా ఫైసల్ హత్యోదంతం కేసును పోలీసులు ఛేదించారు. వివరాలలోకి వెళితే.. బాలాపూర్మండలం, వెంకటాపురం గ్రామం ఉస్మాన్నగర్‌కు చెందిన మొహమ్మద్ జాఫర్కుమారుడు మొహమ్మద్షా ఫైసల్(25) మదీనా దగ్గర బట్టల దుకాణంలో పనిచేసేవాడు. ఐదు నెలల క్రితం మొహమ్మద్షా ఫైసల్‌కు స్థానిక యువతితో వివాహం జరిగింది.
ప్రస్తుతం అతని భార్య గర్భవతి. అయితే, ఈ నెల 12వ తేదీన రాత్రి 8 గంటలకు ఫైసల్ ఫోన్ మాట్లాడుకుంటూ ఇంటి నుంచి బయటికి వెళ్లాడు. ఎంతసేపటికి తిరిగి ఇంటికి రాకపోవడంతో ఆందోళన కుటుంబ సభ్యులు అతని ఆచూకీ కోసం చుట్టుపక్కల బంధువుల ఇళ్లలో వెతికినప్పటికీ ప్రయోజనం లేకపోవడంతో ఈ నెల 13వ తేదీన బాలాపూర్ పోలీసులకు ఫిర్యాదు చేశారు. కేసును నమోదు చేసుకున్న బాలాపూర్పోలీసులు దర్యాప్తు ప్రారంభించారు. ఫైసల్ చివరగా ఫోన్ మాట్లాడిన యువకుడిపై అనుమానం రావడంతో అతడిని అదుపులోకి తీసుకుని పోలీసులు తమదైన శైలీలో విచారణ చేపట్టారు.
పోలీసుల దర్యాప్తులో ఆ యువకుడు నేరం అంగీకరించాడు. ఈ నెల 12వ తేదీ రాత్రి మొహమ్మద్షా ఫైసల్ తనపై అసభ్యకరంగా మాట్లాడినందుకే.. క్షణికావేశంలో అతనిపై కట్టె, బండ రాయి మోది హతమార్చినట్లు పోలీసుల విచారణలో వెల్లడయినట్లు విశ్వసనీయ సమచారం. దీంతో హుటాహూటిన బాలాపూర్పోలీసులు మీనార్ కాలనీలోని ఘటనాస్థలికి చేరుకుని పరిస్థితిని సమీక్షించారు. మృతదేహాన్ని పోస్టుమార్టం నిమిత్తం ఉస్మానియా మార్చురీకి తరలించారు.
