బైక్‌ను ఢీ కొన్న స్కూటీ.. వ్యక్తి స్పాట్ డెడ్
దిశ, కేశంపేట్ : బైకును స్కూటీ వెనక నుండి వచ్చి ఢీకొన్న ఘటనలో స్కూటీ వెనక కూర్చున్న యువకుడు దుర్మరణం పాలైన ఘటన మండల పరిధిలోని లే మామిడి గ్రామపంచాయతీ గాంధీ శంకర్ పల్లి వద్ద గురువారం ఉదయం 9 గంటల సమయంలో చోటు చేసుకుంది. రంగారెడ్డి జిల్లా తలకొండపల్లి మండలం పాతకోట తండాకు చెందిన పాత్లావత్ నవీన్ , నాగర్ కర్నూల్ జిల్లా కల్వకుర్తి మండలం జయప్రకాష్ నగర్ తండా కు చెందిన పాత్లావత్ యుగేందర్ (21) తమ హోండా యాక్టివా వాహనంపై షాద్ నగర్ వెళ్తున్నారు. మార్గమధ్యలో లే మామడి గ్రామపంచాయతీ గాంధీ శంకర్ పల్లి వద్దకు రాగానే తమ ముందు వెళ్తున్న బైక్ ను ఢీకొనడంతో యాక్టివా వెనక కూర్చున్న యుగేందర్ తలకు బలమైన గాయం కావడంతో అక్కడికక్కడే మృతి చెందాడు. యాక్టివా నడుపుతున్న నవీన్ తీవ్ర గాయాల పాలు కావడంతో హైదరాబాద్ కామినేని హాస్పిటల్ కు తరలించారు. బైక్ నడుపుతున్న వ్యక్తి కూడా గాయాల పాలయ్యాడు. ఘటన స్థలానికి చేరుకున్న పోలీసులు దర్యాప్తు కొనసాగిస్తున్నారు.
