Fire Accident:భారీ అగ్ని ప్రమాదం.. ఒక్కసారిగా పేలిన గ్యాస్ సిలిండర్
దిశ, గండిపేట: గండిపేట మండలంలోని మణికొండ మున్సిపల్ పరిధిలోని పుప్పాలగూడ బి ఆర్ సీ ఎదురుగా ఉన్న గోల్డెన్ ఓరియోల్‌లో విద్యుత్ షార్టుసర్కూట్ తో అగ్ని ప్రమాదం జరిగింది. దీంతో ఒక్కసారిగా మంటలు ఎగిసిపడ్డాయి. ఓ ఇంట్లో ఉన్న సిలిండర్ పేలడంతో భారీ ఎత్తున మంటలు వ్యాపించాయి. ఆ మంటలను చూసి అపార్ట్మెంట్ వాసులు బయటకు పరుగులు తీశారు. దీంతో స్థానికులు ఫైర్ సేఫ్టీ అధికారులకు సమాచారం అందించగా పోలీసులు రంగంలోకి దిగారు. అగ్నిమాపక సిబ్బంది ఫైర్ ఇంజన్ లోపలికి వెళ్లలేని దుస్థితి ఏర్పడింది. మూడు ఫైర్ ఇంజన్ల సహాయంతో మంటలను పక్క అపార్ట్మెంట్ నుండి మంటలు అదుపులోకి తీసుకొచ్చారు. ఎలాంటి ప్రాణనష్టం జరగకపోవడంతో అపార్ట్మెంట్ వాసులు అధికారులు ఊపిరి పీల్చుకున్నారు. ప్లాట్లు పూర్తిగా దగ్ధం కాగా అందులో ఉన్న సామాగ్రి పూర్తిగా కాలి బూడిదైంది. సుమారు 50 లక్షల విలువైన సామాగ్రి బూడిద అయిందని స్థానికులు తెలిపారు. నిబంధనలకు విరుద్ధంగా నిర్మాణం చేస్తున్న బిల్డర్ల పై కఠిన చర్యలు తీసుకోవాలని స్థానికులు డిమాండ్ చేశారు. ఇంకా పూర్తి వివరాలు తెలియాల్సి ఉంది.
