ప్రధాని మోడీ తెలంగాణ పర్యటన ముహూర్తం ఫిక్స్.. భారీ స్కెచ్ వేసిన బీజేపీ..!

దిశ, తెలంగాణ బ్యూరో: ప్రధాని మోడీ ఈనెల 8, 10 తేదీల్లో తెలంగాణ పర్యటనకు వస్తున్నారు. పార్లమెంట్ ఎన్నికల్లో భాగంగా ఆ రెండ్రోజులు ప్రచారాన్ని హోరెత్తించనున్నారు. ఈనెల 8న వేములవాడ, వరంగల్‌లో ప్రధాని మోడీ ప్రచారం చేయనున్నారు. కరీంనగర్ బీజేపీ ఎంపీ అభ్యర్థి బండి సంజయ్, వరంగల్ బీజేపీ ఎంపీ అభ్యర్థి అరూరి రమేశ్ తరుపున ఆయన ప్రచారంలో పాల్గొననున్నారు. అలాగే 10న మహబూబ్ నగర్, హైదరాబాద్ లోక్ సభ సెగ్మెంట్లలో డీకే అరుణ, మాధవీలత తరుపున ప్రచారం చేయనున్నారు. హైదరాబాద్‌లో ప్రధాని మోడీ రోడ్ షో నిర్వహించే అవకాశముందని తెలుస్తోంది. ఈనెల 13న ఎన్నికలు జరగనున్నాయి. పోలింగ్‌కు రెండ్రోజులు ముందు ప్రధాని మోడీ టూర్ కొనసాగనుండటంతో బీజేపీకి ప్లస్ అయ్యే అవకాశాలున్నాయని నాయకులు చెబుతున్నారు. ఇదిలా ఉండగా తొలుత ఈనెల 3, 4 తేదీల్లో ప్రధాని మోడీ టూర్ కొనసాగాల్సి ఉండగా అనివార్య కారణాల వల్ల వాయిదా పడింది.