కారు అదుపు తప్పి ఒకరి మృతి

దిశ ప్రతినిధి, నిజామాబాద్: నిజామాబాద్ జిల్లా డిచ్‌పల్లి మండలం ధర్మారం (బి) చర్చి వద్ద బుధవారం తెల్లవారుజామున రోడ్డు ప్రమాదం జరిగింది. కారు డ్రైవర్ కారును అజాగ్రత్తగా నడపడంతో అది అదుపుతప్పి డ్రైనేజీ‌నీ ఢీకొని గుంతలో పడడంతో ఈ ప్రమాదం సంభవించింది. ఈ ప్రమాదంలో సూర్యాపేటకు చెందిన జయలక్ష్మి (32) అక్కడికక్కడే మృతి చెందింది.

ఆమె సోదరుడు సాంబశివరావు, అల్లుడు గోపాల కృష్ణ. తీవ్ర గాయాలయ్యాయి. సూర్యాపేట జిల్లా నుంచి నిజామాబాద్‌కు వస్తుండగా అదుపు తప్పి రోడ్డు పక్కనే ఉన్న డ్రైనేజీ గుంతను ఢీకొట్టడంతో ఈ ప్రమాదం జరిగిందని డిచ్‌పల్లి ఎస్సై గణేష్ తెలిపారు. మృతదేహాన్ని నిజామాబాద్ ప్రభుత్వాసుపత్రికి తరలించారు. గాయపడిన వారిని హాస్పిటల్‌కు తరలించినట్లు ఎస్సై తెలిపారు.