తెలంగాణ అసెంబ్లీ స్పీకర్ ఛాంబర్‌లో టీటీడీ నూతన ఛైర్మన్ బిఆర్ నాయుడు

దిశ, వెబ్ డెస్క్: ఇటీవల తిరుమల తిరుపతి నూతన ఛైర్మన్ ఎన్నికైన బీఆర్ నాయుడు.. ఈ రోజు తెలంగాణ రాష్ట్ర అసెంబ్లీ స్పీకర్ ఛాంబర్ కు వచ్చారు. ఈ క్రమంలో ఆయన తెలంగాణ అసెంబ్లీ స్పీకర్ గడ్డం ప్రసాద్ కుమార్, డిప్యూటీ చైర్మన్ బండా ప్రకాష్ ముదిరాజ్‌లను మర్యాద పూర్వకంగా కలిసారు. అంతకు ముందు ఆయనకు లెజిస్లేచర్ సెక్రటరీ డా. వి నరసింహా చార్యులు స్వాగతం పలికారు. ఈ సందర్భంగా.. తెలంగాణ రాష్ట్రం నుండి పెద్ద సంఖ్యలో భక్తులు తిరుమల వెంకటేశ్వర స్వామి వారి దర్శనం కోసం వస్తున్నందున తెలంగాణ రాష్ట్ర శాసనసభ్యులు, శాసనమండలి సభ్యుల సిఫార్సు లేఖలను పరిగణనలోకి తీసుకోవాలని స్పీకర్ ప్రసాద్ కుమార్ , శాసన మండలి చైర్మన్ గుత్తా సుఖేందర్ రెడ్డీలు బీఆర్ నాయుడు ని కోరారు. కాగా అంశంపై ఆయన కూడా సానుకూలంగా స్పందించి, ముఖ్యమంత్రి చంద్రబాబు నాయుడు తో మాట్లాడి త్వరలో నిర్ణయం తీసుకుంటామన్నారు.