‘నువ్వే ఒక చరిత్ర’ కేసీఆర్ 30 నిమిషాల డాక్యుమెంటరీ.. 70వ జన్మదిన వేడుకల స్పెషల్
దిశ, డైనమిక్ బ్యూరో: తెలంగాణ ఉద్యమ నేత, మాజీ సీఎం కేసీఆర్ 70 వ జన్మదిన వేడుకలు తెలంగాణతో పాటు విదేశాల్లో సైతం బీఆర్ఎస్ శ్రేణులు, అభిమానులు ఘనంగా నిర్వహించారు. ఈ సందర్భంగా తెలంగాణ భవన్‌లో మాజీ మంత్రి, ఎమ్మెల్యే తలసాని శ్రీనివాస్ యాదవ్ ఆధ్వర్యంలో ప్రత్యేక కార్యక్రమాలు నిర్వహించారు. కేసీఆర్ 70వ పుట్టిన రోజును గుర్తుచేసేలా 70 కిలోల భారీ కేక్‌ను మాజీ మంత్రి కేటీఆర్ కట్ చేశారు. అనంతరం కేటీఆర్ చేతుల మీదుగా వెయ్యి మంది ఆటో డ్రైవర్లకు రూ. లక్ష చొప్పున ఇన్సూరెన్స్ పత్రాలను, దివ్యాంగులకు వీల్ చైర్లను పంపిణీ చేశారు.
మరోవైపు ‘నువ్వే ఒక చరిత్ర’ పేరిట 30 నిమిషాల డాక్యుమెంటరీని తెలంగాణ భవన్‌లో కేటీఆర్ ప్రారంభించారు. కేసీఆర్ రాజకీయ, ఉద్యమ నేపథ్యంతో రూపొందించిన ప్రత్యేక డాక్యుమెంటరీని బీఆర్ఎస్ పార్టీ నాయ‌కులు, కార్య‌క‌ర్త‌లు వీక్షించారు. ఈ డాక్యుమెంటరీ ఫిలిమ్‌ను తలసాని సాయికిరణ్ యాదవ్ స్రెసెంట్స్‌ చేశారు. కాగా, కేసీఆర్ జన్మదిన వేడుకలకు ప్రజాప్రతినిధులు, మాజీ ప్రజాప్రతినిధులు, బీఆర్ఎస్ పార్టీ శ్రేణులు భారీగా హాజ‌ర‌య్యారు.
