ఎంపీ ఎన్నికల వేళ బీఆర్ఎస్ కు మరో షాక్.. కాంగ్రెస్ లోకి ఏపూరి సోమన్న

దిశ, డైనమిక్ బ్యూరో:ఎంపీ ఎన్నికల వేళ తెలంగాణలో చేరికల రాజకీయం హాట్ హాట్ గా సాగుతోంది. బీఆర్ఎస్ కు చెందిన సిట్టింగ్ ఎంపీలు, ఎమ్మెల్యేలతో పాటు కీలక నేతలు ఆ పార్టీని వీడి కాంగ్రెస్ లో చేరుతున్నారు. ఈ క్రమంలో తాజాగా ప్రముఖ గాయకుడు ఏపూరి సోమన్న బీఆర్ఎస్ కు షాకిచ్చారు. సోమవారం ఆయన బీఆర్ఎస్ ను వీడి కాంగ్రెస్ పార్టీలో చేరిపోయారు. హైదరాబాద్ లో మునుగోడు ఎమ్మెల్యే కోమటిరెడ్డి రాజగోపాల్ రెడ్డి సమక్షంలో ఆయన కాంగ్రెస్ కండువా కప్పుకున్నారు.

ఉస్మానియా విద్యార్థి నాయకుడిగా తన పాటలతో తెలంగాణ ఉద్యమంలో చురుకుగా పని చేసిన ఏపూరి సోమన్న తెలంగాణ ఏర్పాటు తర్వాత బీఆర్ఎస్ తో విభేదించి కాంగ్రెస్ లో చేరారు. ఆ తర్వాత షర్మిల రాకతో వైఎస్సార్ టీపీలో చేరారు. అక్కడ విభేదించి అసెంబ్లీ ఎన్నికలకు ముందు బీఆర్ఎస్ లో చేరారు. ఈ క్రమంలో రాష్ట్రంలో ఏర్పడిన తాజా రాజకీయ పరిణామాల నేపథ్యంలో ఆయన తిరిగి సొంత గూటికి చేరిపోయారు.

కోమటిరెడ్డి రాజగోపాల్ రెడ్డి సమక్షంలో కాంగ్రెస్ పార్టీలో చేరిన ప్రముఖ గాయకుడు ఏపూరి సోమన్న

Popular singer Epuri Somanna joined the Congress party in the presence of Komatireddy Rajagopal Reddy@rajgopalreddy_K pic.twitter.com/c9UtCQYVtB

— Congress for Telangana (@Congress4TS) April 15, 2024