అంతరిక్షంలోని గ్రహాలను వీక్షించిన విద్యార్థులు

దిశ, కామారెడ్డి : కామారెడ్డి మండలం చిన్నమల్లారెడ్డి గ్రామంలోని జిల్లా పరిషత్ బాలుర ఉన్నత పాఠశాలలో శనివారం మధ్యాహ్నం సోలార్ ఫిల్టర్ల సహాయంతో విద్యార్థులు సూర్యున్ని వీక్షించారు. రాత్రి 7 నుంచి 10 గంటల వరకు ఆకాశంలో శుక్ర గ్రహం, అంగారక గ్రహాం, బృహస్పతి గ్రహాలను, చంద్రుని వలయాలను చూసినట్లు అంతరిక్ష వీక్షణ నిర్వాహకులు, పాఠశాల భౌతిక రసాయన శాస్త్ర ఉపాధ్యాయులు ప్రవీణ్ కుమార్ తెలిపారు. ఈ కార్యక్రమంలో పాఠశాల ప్రధానోపాధ్యాయులు సాయి రెడ్డితో పాటు ఉపాధ్యాయ బృందం, వివిధ పాఠశాలల భౌతిక రసాయనశాస్త్ర ఉపాధ్యాయులు చక్రపాణి, దేవదాస్, గ్రామ యువకులు పాల్గొన్నారు.