MLA : పూరీలు చేస్తున్న విద్యార్థులు..ఎమ్మెల్యే ఎంట్రీ..ఎమ్మెల్యే ఏమన్నారంటే..?
దిశ ,భిక్కనూరు : టిఫిన్ కోసం...పిల్లలతో పూరీలు చేయిస్తారా, వాటిని చేసేందుకు వర్కర్స్ లేరా...? అంటూ కామారెడ్డి ఎమ్మెల్యే కాటిపల్లి వెంకటరమణారెడ్డి( MLA Kattipalli Venkataramana Reddy )పాఠశాల సిబ్బందిపై ఫైరయ్యారు. ఆదివారం నాడు ఆయన భిక్కనూరు మండలం జంగంపల్లి, భిక్కనూరు సాంఘిక సంక్షేమ ఆశ్రమ పాఠశాలను ఆకస్మిక తనిఖీలు చేశారు. ముందు మహాత్మా గాంధీ జ్యోతి బాపులే పాఠశాల ను తనిఖీ చేశారు. చదువుకునే విద్యార్థులే పూరీలు తాల్చి, నూనెలో వేసి గోలియడాన్ని చూసి ఆశ్చర్య వ్యక్తం చేశారు. స్టాఫ్ లేరా అంటూ ప్రశ్నిస్తూనే, పిల్లలతో టిఫిన్లు చేయిస్తారా అంటూ సిబ్బందిపై ఆగ్రహం వ్యక్తం చేశారు. ఫుడ్ అయినా బాగా పెడుతున్నారా...? అంటూ విద్యార్థినులను ప్రశ్నించగా బాగానే పెడుతున్నారంటూ విద్యార్థులు పేర్కొన్నారు. అనంతరం పాఠశాల పరిసరాలను పరిశీలించి, అక్కడి నుంచి సాంఘిక సంక్షేమ ఆశ్రమ పాఠశాలను విజిట్ చేశారు. పాఠశాల పరిసరాలను పరిశీలించిన ఆయన మెనూ ప్రకారం భోజనం పెడుతున్నారా...? మౌలిక వసతులు కరెక్ట్ గా ఉన్నాయా లేవా అని ప్రశ్నించగా బాగానే ఉన్నాయంటూ ఆశ్రమ పాఠశాల విద్యార్థులు సమాధానమిచ్చారు. ఏమైనా సమస్యలు ఉంటే తన దృష్టికి తీసుకురావాలని విద్యార్థులకు సూచించారు. అనంతరం పాఠశాలలోని వంటగదితో పాటు, పరిసరాల ను పరిశీలించారు. అక్కడి నుంచి బస్వాపూర్ లో జరిగిన పార్టీ కార్యకర్తల సమావేశానికి బయలుదేరి వెళ్లారు.
