అంబేద్కర్ వర్సిటీలో కొత్త 'పీజీ డిప్లొమా' కోర్సులు..

దిశ, తెలంగాణ బ్యూరో: డాక్టర్ బీఆర్ అంబేద్కర్ ఓపెన్ యూనివర్సిటీ లో కొత్తగా పీజీ డిప్లొమా కోర్సులను ప్రవేశ పెట్టినట్లు విశ్వవిద్యాలయ కామర్స్ విభాగం డీన్ ప్రొఫెసర్ ఆనంద్ పవార్ పేర్కొన్నారు. ఈ మేరకు ఆయన మంగళవారం ఒక ప్రకటనలో వెల్లడించారు. పీజీ డిప్లొమా ఇన్‌ ఫైనాన్షియల్‌ మేనేజ్‌మెంట్‌, పీజీ డిప్లొమా ఇన్‌ మార్కెటింగ్‌ మేనేజ్‌మెంట్‌, పీజీ డిప్లొమా ఇన్‌ హ్యూమన్‌ రిసోర్స్‌ మేనేజ్‌మెంట్‌, పీజీ డిప్లొమా ఇన్‌ ఆపరేషన్స్‌ మేనేజ్‌మెంట్‌ కోర్సుల్లో ప్రవేశానికి దరఖాస్తు చేసుకోవడానికి చివరి తేదీ మార్చి 10 అని తెలిపారు.

ఆయా కోర్సుల్లో చేరడానికి విద్యార్హతలు, ఫీజు, కోర్సుల వివరాలు తదితరాలను www.braouonline.in లేదా www.braou.ac.in లో పొందొచ్చని వెల్లడించారు. పూర్తి సమాచారం కొరకు, ఆన్ లైన్ లో లేదా విశ్వవిద్యాలయ హెల్ప్‌డెస్క్ నంబర్లు 7382929570/580 లో సంప్రదించవచ్చని సూచించారు.