పంచారామాలు, అరుణాచల యాత్రకు ప్రత్యేక బస్సులు

దిశ, అర్వపల్లి (జాజిరెడ్డిగూడెం): తెలంగాణ రాష్ట్ర రోడ్డు రవాణా సంస్థ,సూర్యాపేట డిపో నుంచి కార్తీక మాసం సందర్భంగా.. పంచారామ దర్శనభాగ్యం, ప్రతినెల పౌర్ణమికి అరుణాచల గిరి ప్రదక్షిణ అవకాశం కల్పిస్తున్నట్లు డీఎం సురేందర్ తెలిపారు. జాజిరెడ్డిగూడెం మండలం అర్వపల్లిలో శనివారం యాత్ర కరపత్రాలను ఆవిష్కరించారు. అదేవిధంగా శబరిమల అయ్యప్పస్వామి యాత్ర, వివాహాది శుభకార్యాలకు తక్కువ ధరకు ఆర్టీసీ బస్సులను అద్దెకు ఇవ్వనున్నట్లు తెలిపారు. మరిన్ని వివరాలకు,బుకింగ్ కొరకు జీ.ఏకాంబరం 9951613278, 7282836177, డీ.జీ.రాజు 7382835305 నెంబర్లను సంప్రదించాలని కోరారు. ఈ కార్యక్రమంలో సీఐ సైదులు,ఆర్వీ సింగ్, కుమార్, రాజులు పాల్గొన్నారు.

బస్సు సర్వీసును నడపాలని వినతి

జాజిరెడ్డిగూడెం, నకిరేకల్ మీదుగా హైదరాబాద్ కు ఉదయం 9గంటలకు బస్సును నడపాలని సూర్యాపేట ఆర్టీసీ డీఎం సురేందర్ కు శనివారం అర్వపల్లిలో ప్రయాణికులు వినతిపత్రాన్ని అందజేశారు. దీంతో ఆయన స్పందించి..త్వరలో బస్సు సర్వీసును ఏర్పాటు చేస్తామని తెలిపారు.