షార్ట్ సర్క్యూట్‌తో పాన్ షాప్ దగ్ధం

దిశ, మిర్యాలగూడ: షార్ట్ సర్క్యూట్ కావడం వలన పాన్ షాప్ తో పాటు అందులోని వస్తువులు దగ్ధమయ్యాయి. ఈ సంఘటన మిర్యాలగూడ పట్టణంలో ఆదివారం చోటుచేసుకుంది. స్థానికులు తెలిపిన వివరాల ప్రకారం మిర్యాలగూడ పట్టణంలో డాక్టర్స్ కాలనీలో చంటి పాన్ షాప్ పేరుతో కొండేటి శ్రీను పాన్ షాప్ తో పాటు కిరాణం షాపును నిర్వహిస్తున్నాడు. ఆదివారం షార్ట్ సర్క్యూట్ కావడంతో పాన్ షాప్ లోని ఫ్రిడ్జ్ లతోపాటు కిరాణా సామాను పూర్తిగా దగ్ధమైంది. సుమారు రూ. రెండు లక్షల మేర ఆస్తి నష్టం జరిగినట్లు బాధితులు పేర్కొన్నారు.