ప్రణయ గోదారి సినిమా పోస్టర్ ను ఆవిష్కరించిన మంత్రి కోమటిరెడ్డి

దిశ ,మర్రిగూడ : మండలంలోని వెంకేపల్లి గ్రామానికి చెందిన నిర్మాత పారమళ్ళ లింగయ్య నిర్మించిన ప్రణయ గోదారి సినిమా పోస్టర్ ను తెలంగాణ రాష్ట్ర సినీ & ఆటో గ్రాఫీ శాఖ మంత్రి కోమటిరెడ్డి వెంకటరెడ్డి శనివారం హైదరాబాద్ లోని ఆయన నివాసంలో పోస్టర్ ను చేతుల మీదుగా ఆవిష్కరించారు. ఈ సందర్భంగా మంత్రి వెంకటరెడ్డి మాట్లాడుతూ.. చిన్న సినిమాలకు ప్రజల్లో మంచి ఆదరణ లభిస్తుందని మా ప్రోత్సాహం కూడా ఉంటుందని తెలిపారు. భవిష్యత్తులో ఇంకా చిన్న సినిమాలు చాలా నిర్మించాలని వారికి ప్రభుత్వ పరంగా అన్ని విధాలా సహాయ సహకారాలు ఉంటాయని అన్నారు. కార్యక్రమంలో జిల్లా ఫైనాన్స్ కమిటీ మెంబర్ మర్రిగూడ జడ్పిటిసీ పాశం సురేందర్ లు మండల ప్రజలు పెద్ద ఎత్తున పాల్గొన్నారు. ఈ సందర్భంగా మంత్రి నిర్మాత లింగయ్యను అభినందించారు. ఈ కార్యక్రమంలో వెంకేపల్లీ మాజీ ఉప సర్పంచ్ యాదయ్య, పందుల పాండు గౌడ్, సినిమా టీమ్ సభ్యులు పాల్గొన్నారు.