ఘోర రోడ్డు ప్రమాదం…. ఒకరు మృతి

దిశ, మద్దిరాల: రెండు కార్లు ఢీకొని ఒకరు మృతి చెందగా మరొకరికి తీవ్ర గాయాలయ్యాయి. ఈ ఘటన గురువారం మండల కేంద్రం సమీపంలో జాతీయ రహదారి 365 / ఏ సబ్ స్టేషన్ దగ్గర చోటుచేసుకుంది. ఏఎస్ఐ నాగయ్య తెలిపిన వివరాల ప్రకారం ఆత్మకూరు మండలం పాతర్ల పాడు గ్రామానికి చెందిన అనంతరెడ్డి (35)తన మిత్రుడు కిరణ్‌తో కలిసి స్వంత పని మీద తుంగతుర్తి వెళ్లే క్రమంలో భద్రాద్రి కొత్తగూడెం జిల్లా టేకులపల్లి మండలం మద్రాస్ తండా గ్రామానికి చెందిన సాయి కుమార్ తన మిత్రునితో కలిసి కారులో హైదరాబాద్ నుంచి తన స్వగృహమైన మద్రాస్ తండాకు వెళ్లే క్రమంలో రెండు కార్లు ఎదురుగా బలంగా ఢీ కొట్టుకున్నాయి. దీంతో బ్రిజా కారులో ఉన్న అనంతరెడ్డి తీవ్రంగా గాయపడి అక్కడికక్కడే మృతి చెందాడు. స్విఫ్ట్ డిజైర్‌లో ఉన్న వ్యక్తి తీవ్రంగా గాయపడి కారులో ఇరుక్కుపోయాడు. కారులో ఇరుక్కున్న ఇరువురిని బయట తీయడం కోసం పోలీసులు తీవ్ర ప్రయత్నం చేస్తున్నారు. యాక్సిడెంట్ అయి గంటల తరబడి ప్రభుత్వ అంబులెన్సులు స్పందించకపోవడం ఏమిటి ఆగ్రహం వ్యక్తం చేస్తున్నారు.