మెగా జాబ్ మేళాకు అంతా సిద్ధం:అదనపు కలెక్టర్
దిశ,నల్లగొండ: నల్లగొండ మహాత్మా గాంధీ యూనివర్సిటీ స్పోర్ట్స్ కాంప్లెక్స్ లో కోమటిరెడ్డి ప్రతీక్ రెడ్డి ఫౌండేషన్ ఆధ్వర్యంలో సోమవారం నిర్వహిస్తున్న మెగా జాబ్ మేళాకు ఎలాంటి ఇబ్బందులు తలెత్తకుండా తగిన చర్యలు తీసుకోవాలని స్థానిక సంస్థల అదనపు కలెక్టర్ హేమంత్ కేశవ్ పాటిల్ అన్నారు. ఆదివారం నల్గొండ మున్సిపల్ చైర్మన్ బుర్రి శ్రీనివాస్ రెడ్డి, ఎంజీ యూనివర్సిటీ వైస్ ఛాన్స్లర్ గోపాల్ రెడ్డి, ప్రతీక్ రెడ్డి ఫౌండేషన్ సీఈఓ ఎంవీ గోన రెడ్డి తో కలిసి ఎంజీ యూనివర్సిటీ లో మెగా జాబ్ మేళా ఏర్పాట్లను ఆయన పరిశీలించారు.
ఈ సందర్భంగా మాట్లాడుతూ నిరుద్యోగ యువతీ,యువకులు ఈ జాబ్ మేళాను సద్వినియోగం చేసుకోవాలని సూచించారు.ఈ కార్యక్రమంలో పరిశ్రమల శాఖ జిల్లా మేనేజర్ కోటేశ్వర్ రావు, జడ్పీ డిప్యూటీ సీఈవో శ్రీనివాస్ రావు, నల్లగొండ పట్టణ కాంగ్రెస్ పార్టీ అధ్యక్షుడు గుమ్ముల మోహన్ రెడ్డి, ఎంజియూ రిజిస్ట్రార్ ప్రొఫెసర్ అల్వాల రవి, ప్లేస్మెంట్ అధికారి డాక్టర్ వై. ప్రశాంతి, టాస్క్ మేనేజర్ ప్రదీప్ రెడ్డి తదితరులు పాల్గొన్నారు.
