ఉరి వేసుకుని గొర్రెల కాపరి మృతి

దిశ, వేములపల్లి : చెట్టుకు ఉరి వేసుకుని గొర్రెల కాపరి మృతి చెందిన సంఘటన వేములపల్లి మండలం శివారు పొలాల్లో మంగళవారం చోటుచేసుకుంది. పోలీసులు తెలిపిన వివరాల ప్రకారం మహబూబ్‌ నగర్ జిల్లా దేవరకద్ర మండలం హజిలాపురం గ్రామానికి చెందిన కౌకుంట్ల మహేష్ (22) గొర్రెలు మేపుకుంటూ మండల కేంద్రానికి చేరుకున్నారు. రాత్రి అన్నం తిన్న తర్వాత సమీపంలోని చెట్టుకు తాడుతో ఉరి వేసుకున్నాడు. తనతో పాటు ఉన్న బంధువులు తెల్లవారుజామున ఉరి వేసుకొని చెట్టుకు వేలాడుతున్న మహేష్‌ను చూసి స్థానిక పోలీసులకు సమాచారం అందించారు. సంఘటన స్థలానికి చేరుకున్న పోలీసులు యువకుడు మృతి చెందినట్లుగా గుర్తించి మృతదేహాన్ని ఏరియా హాస్పిటల్‌కి తరలించారు. మృతుని బంధువుల ఫిర్యాదు మేరకు కేసు నమోదు చేసుకొని మృతి గల కారణాలను తెలుసుకోవడానికి విచారణ చేపడుతున్నట్లు ఎస్సై దాచేపల్లి విజయ్ కుమార్ తెలిపారు.