సమగ్ర కుటుంబ సర్వే పకడ్బందీగా చేపట్టాలి

దిశ, మునగాల :సామాజిక, ఆర్థిక, విద్య, ఉపాధి, రాజకీయ,కులగణనపై నిర్వహించే ఇంటింటి సర్వేను పకడ్బందీగా నిర్వహించాలని జెడ్పి డిప్యూటీసీఈవో మండల ప్రత్యేక అధికారిణి శిరీష అన్నారు. శనివారం మండల కేంద్రంలోని రైతు వేదికలో ఎన్యుమరేటర్లకు ,సూపర్వైజర్లకు ఏర్పాటు చేసిన సమావేశంలో ఆమె పాల్గొని మాట్లాడారు. ఈ రోజు నుండి ఈ నెల 18వ తారీఖు వరకు ఎన్యుమరేటర్లు ఇంటింటికి తిరిగి సర్వే చేసి ఎప్పటికప్పుడు సమాచారాన్ని ఆన్లైన్లో పొందుపరచాలని సూచించారు. ఈ డేటా ఎంట్రీ కోసం తాసిల్దార్, ఎంపీడీవో కార్యాలయాలలో ప్రత్యేక కౌంటర్లు ఏర్పాటు చేశామన్నారు. మండల వ్యాప్తంగా 86 న్యూమరేషన్ బ్లాకులకు 110 మంది ఎన్యుమరేటర్లను నియమించామన్నారు. ఇంటింటి సర్వేకు ప్రజలు సహకరించాలని కోరారు. అనంతరం ఎన్యుమరేటర్లకు, సూపర్వైజర్లకు సర్వే మెటీరియల్ అందజేశారు. ఈ కార్యక్రమంలో తాసిల్దార్ ఆంజనేయులు, ఎంపీడీవో రమేష్ దీన్ దయాల్, డిప్యూటీ తాసిల్దార్ సత్యనారాయణ ఆర్ఐ రామారావు,ఎంపీ ఓ దార శ్రీను, ఏపీవో శైలజ, తదితరులు పాల్గొన్నారు.