గ్రూప్‌-4 దివ్యాంగ అభ్యర్థుల అలర్ట్.. TGPSC కీలక సూచన
దిశ, తెలంగాణ బ్యూరో: సర్టిఫికెట్‌ వెరిఫికేషన్‌ పూర్తయిన గ్రూప్‌-4 దివ్యాంగ అభ్యర్థులకు వైద్య పరీక్షలు నిర్వహిస్తున్నట్లు టీజీపీఎస్సీ అధికారులు శనివారం ఒక ప్రకటనలో తెలిపారు. ఈ వైద్య పరీక్షలు ఈనెల 30 నుంచి వచ్చేనెల 5వ తేదీ వరకు చేపడుతున్నట్లు చెప్పారు. ఎర్రగడ్డలోని మెంటల్‌ కేర్‌ ప్రభుత్వ దవాఖానలో మెడికల్‌ బోర్డు ఈ వైద్య పరీక్షలు నిర్వహించనుంది. కాగా అభ్యర్థులు తమ హాల్‌టికెట్‌, ఆధార్‌కార్డు, విద్యార్హత సర్టిఫికెట్లతో పాటు పాత మెడికల్‌ సర్టిఫికెట్‌ తో పాటు కుటుంబసభ్యుడిని వెంట తీసుకురావాలని సూచించారు. రోజువారీ మెడికల్‌ బోర్డు షెడ్యూల్‌ కమిషన్‌ వెబ్‌సైట్‌లో అందుబాటులో ఉంటుందని స్పష్టంచేశారు.
Advertisement
Next Story
