సర్వేయర్ పై గుర్తుతెలియని వ్యక్తులు దాడి..

దిశ, మేడ్చల్ టౌన్ : గుర్తుతెలియని ముగ్గురు వ్యక్తులు సర్వేర్ పై దాడి చేసిన సంఘటన మేడ్చల్ పోలీస్ స్టేషన్ పరిధిలో చోటుచేసుకుంది. శనివారం సాయంత్రం మేడ్చల్ మున్సిపల్ పరిధిలోని ఐటీఐ కళాశాల వద్ద రోడ్డు జాతీయ రహదారి వెడల్పు పనుల్లో భాగంగా సర్వేయర్ రామ్ రెడ్డి భరత్ రెడ్డి పనులు చేస్తున్నారు. ఈ సమయంలోనే గుర్తు తెలియని ముగ్గురు వ్యక్తులు మద్యం తాగి వచ్చి తమ పనులకు ఆటంకం కలిగించి తమ పై దాడి చేసి 5 లక్షల విలువ చేసే పరికరాలను ధ్వంసం చేశారని మేడ్చల్ పోలీసులకు ఫిర్యాదు చేశారు. ఈ మేరకు మేడ్చల్ పోలీసులు కేసునమోదు చేసి దర్యాప్తు చేపట్టారు.