కలెక్టర్ పై దాడికి నల్ల బ్యాడ్జీలతో నిరసన

దిశ,మేడ్చల్ బ్యూరో : వికారాబాద్ జిల్లాలో కలెక్టర్, ఇతర అధికారులపై జరిగిన దాడిని మేడ్చల్ జిల్లా అధికార యంత్రాంగం ఖండించింది. సోమవారం వికారాబాద్​ జిల్లా దుద్యల మండలం లగిచెర్ల గ్రామంలో జిల్లా కలెక్టర్​, అదనపు కలెక్టర్​, ఇతర అధికారులపై జరిగిన దాడిని వ్యతిరేకిస్తూ మేడ్చల్​ మల్కాజిగిరి జిల్లా కలెక్టరేట్ లో భోజన విరామసమయంలో జిల్లా అదనపు కలెక్టర్​ విజయేందర్ రెడ్డి తో కలిసి తెలంగాణ గెజిటెడ్ ఆఫీస్ అసోసియేషన్ ఆధ్వర్యంలో జిల్లా యంత్రాంగం, అధికారులు అందరూ నల్ల బ్యాడ్జిలు ధరించి నిరసన తెలిపారు. ప్రభుత్వ ఉద్యోగులకు, అధికారులకు భద్రత కల్పించాలని కోరారు. ఇటువంటి ఘటన వల్ల అభద్రతా భావన కలుగుతుందని, ఈ దాడికి పాల్పడిన వారిపై ప్రభుత్వం కఠిన చర్యలు తీసుకోవాలని, ఇటువంటి దాడులు పునరావృత్తం కాకుండా చూడాలని కోరారు.