AP: ఆకివీడులో దారుణం.. డ్రైవర్ మాటలు విని బాలికను కొట్టిన కరస్పాండెంట్

దిశ వెబ్ డెస్క్: స్కూల్ బస్సు డ్రైవర్(Bus Driver) మాటలు విని కరస్పాండెంట్(Correspondent) ఓ బాలికను విచక్షణారహితంగా(Indiscriminately) కొట్టిన(Beating) ఘటన ఆకివీడు(Aakiveedu)లో జరిగింది. ఘటన ప్రకారం విజ్ఞాన్ స్కూల్(Vignan School) లో తొమ్మిదవ తరగతి చదువుతున్న ఓ బాలిక స్కూల్ బస్సులో కరస్పాండెంట్ గురించి హేళనగా మాట్లాడిందని బస్సు డ్రైవర్ ఫిర్యాదు చేశాడు. దీంతో ఆగ్రహానికి గురైన కరెస్పాండెంట్ సత్యనారాయణ(Correspondent Satyanarayana) విద్యార్థినిని పిలిపించి చితకబాదాడు. బాలిక అని చూడకుండా పీక నులిమి, చెంపల మీద విచక్షణారహితంగా కొట్టాడు. ఈ ఘటన ఆకివీడులోని విజ్ఞాన్ స్కూల్లో జరిగింది. చెంపలు, మెడ భాగంలో వాచిపోవడంతో ఇంటికి వెళ్లిన బాలిక తల్లిదండ్రుల వద్ద విలపించింది. బాలికకు తీవ్ర గాయాలు కావడంతో తల్లిదండ్రులు చికిత్స నిమిత్తం హాస్పిటల్‌లో చేర్పించారు. అంతరం ఈ ఘటనపై చర్యలు తీసుకోవాలని తల్లిదండ్రులు విజ్ఞాన్ స్కూల్ కరస్పాండెంట్ సత్యనారాయణపై పోలీసులకు ఫిర్యాదు చేశారు.