KTR : ఈనెల 29న దీక్ష దివస్.. నిమ్స్ లో అన్నదానం : కేటీఆర్

దిశ, వెబ్ డెస్క్ : ఈ నెల 29న దీక్షా దివ‌స్(Deeksha Diwas) కార్యక్రమాన్ని తెలంగాణ వ్యాప్తంగా ఘ‌నంగా నిర్వహిస్తామ‌ని బీఆర్ఎస్ వ‌ర్కింగ్ ప్రెసిడెంట్ కేటీఆర్(BRS Working President KTR) పేర్కొన్నారు. నవంబర్ 29, 2009న కేసీఆర్(KCR) చేపట్టిన నిరాహార దీక్ష తెలంగాణ ఉద్యమాన్ని మలుపు తిప్పిన రోజని, మ‌లిదశ తెలంగాణ ఉద్యమంలో నిమ్స్ హాస్పిట‌ల్ పాత్ర కూడా ఎంతో ఘ‌న‌మైన‌ది అని కేటీఆర్ పేర్కొన్నారు. నాడు ఉద్యమంలో కేసీఆర్ ఆరోగ్య ప‌రిస్థితి విష‌మించ‌డంతో నిమ్స్‌కు త‌ర‌లించ‌డంతో.. నిమ్స్ క‌ద‌న రంగంగా మారి, మ‌లిద‌శ ఉద్యమానికి కేంద్ర బిందువుగా మారిన రోజైన న‌వంబ‌ర్ 29న నిమ్స్ హాస్పిట‌ల్‌లో అన్నదానం కార్యక్రమం నిర్వహిస్తామ‌ని తెలిపారు. కేసీఆర్ తెలంగాణ సమాజాన్ని ఐక్యం చేసిన సందర్భాన్ని గుర్తు చేసుకుంటూ ఉద్యమ స్ఫూర్తిని ప్రజల్లో మళ్లీ రగిలించే విధంగా... ఈ దుర్మార్గ కాంగ్రెస్, బీజేపీలకు బుద్ది చెప్పాలనే సంకల్పంతోనే ఈ దీక్షా దివ‌స్ కార్యక్రమాన్ని నిర్వహిస్తున్నాం అని కేటీఆర్ స్పష్టం చేశారు.