యువతకు ఆదర్శం నరేంద్ర మోదీయే : ఈటల

దిశ, అల్వాల్: రానున్న పార్లమెంట్ ఎన్నికల్లో బీజేపీ నాలుగు వందల సీట్లు గెలిచి మూడవ సారి అధికారంలోకి రావడం ఖాయమని మల్కాజిగిరి బీజేపీ పార్లమెంట్ అభ్యర్థి ఈటల రాజేందర్ అన్నారు. ఆదివారం హెచ్ఎంటీ కాలనీలోని బతుకమ్మ పార్క్ లో నిర్వహించిన ఎన్నికల సమావేశానికి హాజరై మాట్లాడారు.నరేంద్ర మోదీ నాయకత్వంలోని బీజెపి పార్టీ నాయకత్వాన్ని దేశంలోని అన్ని వర్గాల ప్రజలు ఆదరిస్తున్నారని తెలిపారు. అందుకే ఎన్నికల్లో 400 వందల సీట్లు సాధించి తీరుతామని తెలిపారు. అన్ని పార్టీలు అనేక ఆకర్షనీయమైన నినాదాలు సంక్షేమ పథకాలతో ప్రచారం నిర్వహిస్తుంటే మోదీ మాత్రం నేనున్నానని నేనే గ్యారెంటీ అని చెబుతున్నారు.. అంటే ప్రజల పట్ల దేశం పట్ల బీజెపికి ఉన్న చిత్తశుద్దిని తెలియ చేస్తుందన్నారు.

నరేంద్ర మోడీ పంపించిన మీ బిడ్డగా మల్కాజిగిరి నియోజకవర్గం అభ్యర్థిగా 32 సంవత్సరాలుగా మీతో ఉన్న వ్యక్తిగా తెలంగాణ రాష్ట్ర తొలి ఆర్థిక మంత్రిగా మీ ముందుకు వచ్చాను నా మీద నరేంద్ర మోడీ మీద నమ్మకంతో గెలిపించి బీజెపి ప్రభుత్వంలో భాగస్వాములు కావాలని కోరారు. రైతులు కార్మికులు విద్యార్థులు మేధావులు అన్ని వర్గాల ప్రజలు నరేంద్ర మోదీని తమ నాయకుడిగా గుర్తించి ఆదరించిన విధంగానే మల్కాజిగిరి ప్రజలు ఆదరించి గెలిపించారని కోరారు.మల్కాజిగిరిలో గెలిపించిన ఎప్పటికి మీలో ఒకరిగా ఉంటానని రాజేందర్ పేర్కొన్నారు. ఈ కార్యక్రమంలో చొప్పదండి మాజీ ఎమ్మెల్యే బొడిగె శోభ, మహేందర్ రెడ్డి, సుధాకర్ రెడ్డి, భూపాల్ రెడ్డి,మల్లారెడ్డి, రమేష్ రావు, యాదగిరి, వీరారెడ్డి, శ్యామ్ రావు, స్థానిక నాయకులు మల్లికార్జున్ గౌడ్, మాణిక్య రెడ్డి, అజయ్ రెడ్డి, దండుగుల వెంకటేష్, గోపి, వినయ్, ఆనంద్, సుజాత, పద్మిని పాల్గొన్నారు.