సీఎం కేసీఆర్‌ పాలన రాష్ట్రానికి శ్రీరామ రక్ష : రాగిడి లక్ష్మారెడ్డి
దిశ, నాచారం : అభివృద్ధి, సంక్షేమంలో రాష్ట్రం దూసుకుపోతున్నదని, సీఎం కేసీఆర్‌ పాలన దేశానికే ఆదర్శంగా నిలిచిందని సీనియర్ నాయకులు లక్ష్మారెడ్డి పేర్కొన్నారు. శుక్రవారం హబ్సిగూడ డివిజన్ గడ్డం వెంకట్ సాయి యువజన విభాగం నాయకుడు ఆధ్వర్యంలో మున్నూరు కాపు సంఘం అధ్యక్షులు బోనాల నారాయణ కాంగ్రెస్ పార్టీ సీనియర్ నాయకులు, ఆటో యూనియన్ సెక్రటరీ సాయి, బీసీ విద్యార్థి సంఘం రామంతపూర్ డివిజన్ ప్రెసిడెంట్ సంజయ్ చారి తెలంగాణ రాష్ట్ర బీఆర్ఎస్ సీనియర్ నాయకులు లక్ష్మారెడ్డి ఆధ్వర్యంలో బీఆర్ఎస్ పార్టీలో చేరారు.
వీరికి లక్ష్మారెడ్డి గులాబీ కండువా కప్పి పార్టీలోకి సాధరంగా ఆహ్వానం పలికారు. అనంతరం ఆయన మాట్లాడుతూ నవంబర్ 30వ తేదీన ప్రతి ఒక్కరూ తమ ఓటు హక్కు వినియోగించుకొని కారు గుర్తుకు ఓటు వేసి ఉప్పల్ నియోజకవర్గం ఎమ్మెల్యే అభ్యర్థి బండారి లక్ష్మారెడ్డికి ఓటు వేసి అత్యధిక మెజార్టీతో గెలిపించాలని కోరారు.
